Day 2

(Jury)

Kung Alam Mo Lang

Alam ko ang mga panakaw mong tingin,

Dahil pagsulyap sa iyo’y ginagawa ko rin.

Kung alam mo lang ang aking nadarama,

Paghanga ko’y matagal nang nagsimula.

Ang galing mong humawak ng bola,

Talagang ayaw mo itong ipaagaw sa iba.

Nai-shoot mo ang bola, naka-score ka,

Maging sa puso ko nakapuntos ka.

Para akong baliw, ngumingiti mag-isa,

Kasi naman, napatingin sa akin bigla.

Bakit kasi ayaw mo pang magpakilala,

Hanggang tanaw ka na lang ba talaga?