Episode 09 (One-Shot)

Maagang dumating sa opisina sina Esther at Ian. Pagpasok pa lamang nila, nakita na nilang punung-puno ng mga dokumento ang bawat mesa. Nalalapit na kasi ang deadline ng isang mahalagang proyekto.
‎
‎Habang abala ang lahat, napansin ni Dahlia na halatang nai-stress na si Sebastian.
‎
‎"Naku, ang dami nating kailangang tapusin! Baka dito na ako tumira sa opisina!"
‎
‎Napatawa ang lahat, ngunit alam nilang may katotohanan ang biro ni Sebastian.
‎
‎Sinabi ni Esther "Relax lang. Huwag nating sabay-sabayin ang pag-aalala. Isa-isahin natin ang mga gawain."
‎
‎Tumango si Ian at agad na tumulong sa pag-aayos ng iskedyul ng trabaho.
‎
‎Maya-maya, nagkaroon ng hindi pagkakaunawaan sina Dahlia at Sebastian tungkol sa isang ulat. Dahil sa pagod at pressure, pareho silang nagtaasan ng boses.
‎
‎Agad namang lumapit si Ian.
‎
‎"Sandali lang. Pareho lang tayong gustong matapos ang proyekto. Mag-usap tayo nang maayos."
‎
‎Napahinga nang malalim sina Dahlia at Sebastian at nagkaunawaan din sila.
‎
‎Hindi nagtagal, dumating si Ronald, ang Company Adviser.
‎
‎"Normal lang ang makaranas ng stress sa trabaho. Pero tandaan ninyo, hindi problema ang kalaban natin—kundi ang pagkawala ng maayos na komunikasyon. Kapag nagtutulungan, nagkakaintindihan, at nagbibigay ng oras para magpahinga, mas nagiging maganda ang resulta ng ating trabaho."
‎
‎Napaisip ang lahat sa kanyang sinabi.
‎
‎Mula noon, hinati-hati nila ang kanilang mga gawain, nagtulungan bilang isang team, at nagtawanan pa habang nagtatrabaho. Dahil sa kanilang magandang samahan, natapos nila ang proyekto bago ang itinakdang deadline.
‎
‎Sa pagtatapos ng araw, sabay-sabay silang umuwi na pagod ngunit masaya, dala ang isang mahalagang aral tungkol sa pagtutulungan at tamang pagharap sa stress sa opisina.
‎
‎

Moral ng Kuwento:
‎
‎Ang stress ay normal na bahagi ng trabaho, ngunit mas madaling malalampasan ito sa pamamagitan ng maayos na komunikasyon, pagtutulungan, tamang pagpapahinga, at positibong pananaw sa buhay.