Ang Panahon ng Kadiliman na mas kilala bilang Dakilang Digmaang Pangkalangitan ay nagdulot ng pagkasira at halos pagkaubos ng mga Diyos. Ngunit dahil na rin sa pagsisikap ni Jupiter-Diyos ng Kalangitan at Punong Diyos kasama ang kanyang mga kapatid na sina Neptune-Diyos ng Pitong Karagatan at Pluto-Diyos ng Impyerno, ang digmaang sinimulan nina Mars-Diyos ng Digmaan at Saturn-Diyos ng Agrikultura na planong sirain ang buong sangkatauhan ay hindi nagtagal at agad din namang napigilan. Ang dalawang Diyos na ito ay nagbantang babalik at tatapusin ang kanilang nasimulan. Makalipas ang ilang Libong Taon, Tatlong Dakilang Babaylan ang nagsama-sama upang magbigay babala sa Hari ng Landrial tungkol sa kanila ng pangitain na ang mundo ay malapit ng magwakas. Ngunit nagbigay din naman ng pag-asa ang mga ito na kung saan pwede pa nila itong mapigilan kung mahanap nila ang Pitong Gintong Susi na nakakalat sa buong mundo. Kung kaya't ipinatawag ng Hari ang mga Supremo ng Pitong Tanggulan at inutusan silang hanapin ang mga susing ito. Para saan ang mga ito? Saan ito gagamitin? At talaga bang mapipigilan ng mga ito ang wakas ng mundo?